ທ່ານເຈົ້າແຂວງສະຫວັນນະເຂດໄດ້ມີຄຳເຫັນໃນພິທີວ່າ: 55 ປີກ່ອນນັ້ນ
ເພື່ອຕອບສະຫນອງຄວາມຮຽກ ຮ້ອງຕ້ອງການຂອງການປະຕິວັດປົດປ່ອຍຊາດ ແລະ
ຄວາມສຳຄັນຂອງການຂົນສົ່ງແຕ່ແນວຫລັງໄປສູ່ແນວຫນ້າເພື່ອຮັບໃຊ້ສະຫນາມຮົບຕ່າງໆ, ກົມການເມືອງສອງປະເທດລາວ-ຫວຽດນາມໄດ້ເປັນເອກະພາບເປີດເສັ້ນທາງໂຮຈິມິງເບື້ອງທິດຕາເວັນຕົກຂອງສາຍພູຫລວງບົນດິນແດນລາວ
ແລະ ເພື່ອປະຕິບັດຕາມຄຳສັ່ງດັ່ງກ່າວກອງທັບ ແລະ ປະ ຊາຊົນແຂວງສະຫວັນນະເຂດໄດ້ຮ່ວມສຸກຮ່ວມທຸກ
ແລະ ເຫື່ອແຮງຄຽງບ່າຄຽງໄລ່ກໍ່ສ້າງເສັ້ນທາງຍຸດທະສາດສຳຄັນນີ້ສຳເລັດຜົນ ແລະ
ຮັບປະກັນໃຫ້ການຂົນສົ່ງຜ່ານເສັ້ນທາງດັ່ງກ່າວ, ອັນໄດ້ປະກອບສ່ວນສຳຄັນເຂົ້າໃນການຍາດເອົາເອກະລາດ ແລະ
ສິດເສລີພາບຂອງປະຊາຊົນສອງຊາດລາວ-ຫວຽດນາມ.
ທ່ານເຈົ້າແຂວງສະຫວັນນະເຂດເນັ້ນວ່າ:
ການເປີດງານວາງສະແດງດັ່ງກ່າວຢູ່ບົນດິນແດນສະຫວັນນະເຂດ, ຊຶ່ງເປັນຫນຶ່ງໃນບັນດາແຂວງທີ່ມີເສັ້ນທາງສຳຄັນນີ້ຜ່ານໄປມັນແມ່ນເຫດການສຸດທີ່ສຳຄັນ, ຍ້ອນວ່ານອກຈາກຈະຊ່ວຍໃຫ້ພວກເຮົາໄດ້ລະນຶກເຖິງບຸນຄຸນອັນໃຫຍ່ຫລວງຂອງປະຊາຊົນສອງປະເທດລາວ
-ຫວຽດນາມເວົ້າລວມ ແລະ
ເວົ້າສະເພາະກໍແມ່ນແຂວງສະຫວັນນະເຂດໄດ້ເສຍສະຫລະທັງເລືອດເນື້ອເຫື່ອແຮງ ແລະ
ຊີວິດຂອງຕົນເພື່ອສ້າງເສັ້ນ ທາງສຳຄັນດັ່ງກ່າວ ແລະ
ຍັງເປັນໂອກາດຫນຶ່ງເພື່ອການໂຄສະນາເຜີຍແຜ່ໃຫ້ແກ່ນັກຮົບພະນັກງານ ແລະ
ປະຊາຊົນພິເສດແມ່ນຄົນຮຸ້ນຫນຸ່ມມີຄວາມຮັບຮູ້ເລິກເຊິ່ງຕື່ມອີກກ່ຽວກັບຄວາມຫມາຍສຳຄັນຂອງນໍ້າໃຈຮ່ວມສຳພັນສູ້ຮົບລາວ
- ຫວຽດ,
ປະກອບສ່ວນເພີ່ມພູນຄູນສ້າງສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫ່ວາງລາວ-ຫຽດນາມ
ນັບມື້ຍິ່ງເຕີບໃຫຍ່ຂະຫຍາຍຕົວ ແລະ ຫນັ້ນຄົງທະນົງແກ່ນຕະຫລອດໄປ.
ງານວາງສະແດງດັ່ງກ່າວຈະດຳເນີນໄປຮອດວັນທີ 22 ຕຸລາ 2016
ເພື່ອນຳສະເຫນີບັນດາຮູບພາບປະ ຫວັດສາດເກືອບ 100
ຮູບທີ່ໄດ້ສ່ອງແສງເຖິງຂະບວນວິວັດແຫ່ງການກໍ່ສ້າງເສັ້ນທາງປະຫວັດສາດສຳຄັນນີ້, ພິເສດແມ່ນຮູບແຕ້ມແຜນທີຂອງເສັ້ນທາງດັ່ງກ່າວ, ຊຶ່ງແມ່ນບັນດາສະຫາຍນັກຮົບເກົ່າ, ນັກຮົບສາຍພູຫລວງເປັນຜູ້ແຕ້ມຂຶ້ນບົນຈິດສຳນຶກ ແລະ
ການຮີບໂຮມເອົາມາຈາກເອກະສານຕ່າງໆ.
No comments:
Post a Comment