ການເນັ້ນຕໍ່ບັນຫາສຳຄັນດ່ັງກ່າວຂອງທ່ານນາຍົກລັດຖະມົນຕີມີຂຶ້ນໃນໂອກາດໂອ້ລົມຕໍ່ກອງປະຊຸມວຽກງານງົບປະມານ
ແລະ ຄັງເງິນທົ່ວປະເທດໃນວັນທີ 18 ສິງຫານີ້, ຊຶ່ງທ່ານໄດ້ກ່າວວ່າ:
ພາຍຫລັງລັດຖະບານຊຸດໃໝ່ໄດ້ຖະແຫລງນະໂຍບາຍຕໍກອງປະຊຸມສະພາແຫ່ງຊາດ ຄັ້ງປະຖົມມະລຶກ ແລະ
ໄດ້ເລີ່ມປະຕິບັດໜ້າທີ່ມາເປັນເວລາ 3 ເດືອນກວ່າແລ້ວ ເຫັນວ່າໄດ້ສຸມໃສ່ແກ້ໄຂບັນຫາຫຍຸ້ງ
ຍາກຂອງປະເທດຫລາຍດ້ານເປັນຕົ້ນ ຄວາມຫຍຸ້ງຍາກທາງດ້ານເສດຖະກິດມະຫາພາກ, ວຽກງານເກັບລາຍຮັບເຂົ້າງົບປະມານ, ການເງິນ, ບັນຫາໄມ້, ໄຟຟ້າ, ນ້ຳມັນ, ພາຫະນະ ແລະ ອື່ນໆ ໄດ້ຜ່ອນ ຄາຍລົງເລັກໜ້ອຍ, ແຕ່ແນວໃດກໍຕາມ ສະພາບການຈັດຕັ້ງປະຕິບັດແຜນງົບປະມານແຫ່ງລັດ
ສົກປີນີ້ ຍັງສືບຕໍ່ມີຄວາມຫຍຸ້ງຍາກຫລາຍ, ຍ້ອນໄດ້ຮັບຜົນພວງການຂາດດຸນງົບປະມານໃນໄລຍະສອງ-ສາມປີຜ່ານມາ, ໂດຍສະເພາະການຈັດຕັ້ງປະຕິບັດມາຮອດ 10
ເດືອນເຫັນວ່າມີຄວາມສ່ຽງສູງທີ່ຈະບໍ່ສາມາດປະຕິບັດໄດ້ຕາມແຜນດັດແກ້ຂອງສະພາແຫ່ງຊາດ.
ແນວໃດກໍຕາມປີ 2016 ແມ່ນໄລຍະທີ່ມີຄວາມສຳຄັນຫລາຍເພາະວ່າເປັນປີທຳອິດຂອງການຈັດຕັ້ງປະຕິບັດມະຕິ
10 ຂອງພັກ,
ແຜນພັດທະ ນາເສດຖະກິດ-ສັງຄົມແຫ່ງຊາດ ຄັ້ງທີ 8 (2016-2020)
ພວກເຮົາຈະຕ້ອງເຮັດທຸກສິ່ງຢ່າງເພື່ອໃຫ້ການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ມີບາດລ້ຽງໃໝ່ຢ່າງຕັ້ງໜ້າ
ເພື່ອເປັນພື້ນຖານທີ່ໜັກແໜ້ນໃຫ້ແກ່ການພັດທະນາປະເທດຊາດໄປຖືກທິດ ແລະ ໝັ້ນທ່ຽງ. ສະນັ້ນ
ຈຶ່ງຮຽກຮ້ອງໃຫ້ຄະນະພັກ-ຄະນະນຳໃນຂະແໜງການເງິນຕ້ອງເຊີດຊູຄວາມຮັບຜິດຊອບຂອງຕົນໃຫ້ສູງຂຶ້ນກວ່າເກົ່າຄື:
ສຸມໃສ່ສຶກສາອົບຮົມດ້ານການເມືອງ-ແນວຄິດ ໃຫ້ພະນັກງານລັດຖະກອນຂອງຂະແໜງການເງິນ
ໃນຂອບເຂດທົ່ວປະເທດມີຄວາມຈົ່ງຮັກພັກດີ, ມີຈັນຍາບັນ,
ປະຕິບັດວິໄນດ້ານການເງິນຢ່າງເຄັ່ງຄັດ, ຍົກສູງສະຕິຄວາມຮັບຜິດຊອບໜ້າທີ່ການເມືອງທີ່ໄດ້ຮັບມອບໝາຍ ແລະ
ຖືເອົາຜົນປະໂຫຍດປະເທດຊາດເປັນຫລັກ, ໃຫ້ແກ້ໄຂປະກົດການຫຍໍ້ທໍ້ໃນຖັນແຖວພະນັກງານຂົງເຂດການເງິນໃຫ້ເປັນຮູບປະທຳ, ໂດຍສະເພາະແມ່ນພະນັກງານທີ່ຂາດຕົກບົກຜ່ອງ, ຂາດວິໄນການເງິນ, ທັງການຖືຜົນປະໂຫຍດສູງ,
ຂາດຄວາມຮັບຜິດຊອບ, ສົມຮູ້ຮ່ວມຄິດກັບຜູ້ປະກອບການ, ເຮັດຜິດລະບຽບກົດໝາຍ,
ສືບຕໍ່ປັບປຸງພາລະບົດບາດຂອງກະຊວງການເງິນໃຫ້ສອດຄອ່ງກັບການປັບປຸງກົງຈັກການຈັດຕັ້ງຂອງລັດ
ຖະບານຊຸດໃໝ່,
ແບ່ງຄວາມຮັບຜິດໃຫ້ຈະແຈ້ງກ່ຽວກັບວຽກງານທີ່ດິນກັບກະຊວງຊັບພະຍາກອນ
ທຳມະຊາດ ແລະ ສິ່ງແວດລ້ອມ. ວຽກງານປັບປຸງທຸລະກິດແມ່ນໃຫ້ແບ່ງຄວາມຮັບຜິດຊອບຈະແຈ້ງ
ລະຫວ່າງສູນກາງ ແລະ ທ້ອງຖິ່ນຕາມທິດນຳສາມສ້າງ, ສູນກາງເຮັດວຽກຄຸ້ມຄອງມະຫາພາກ, ອອກລະບຽບກົດໝາຍ ແລະ ຕິດຕາມການຈັດຕັ້ງປະຕິບັດ, ກະຊວງການເງິນເປັນເສນາທິການໃຫ້ລັດຖະບານ ແລະ ຕ້ອງເປັນກຳລັງແຮງໃນການຄຸ້ມຄອງມະຫາພາກ
ເພື່ອຂັບເຄື່ອນເສດຖະກິດ,
ໂດຍບັນດາກົມຕ້ອງໄດ້ເອົາໃຈໃສ່ຕໍ່ກັບການຄົ້ນຄວ້າ
ມະຫາພາກໃຫ້ເລິກເຊິ່ງ,
ຮີບຮ້ອນຄົ້ນຄວ້າປັບປຸງລະບຽບການຕ່າງໆໃຫ້ກະທັດຫັນ
ບົນພື້ນຖານອຳນວຍຄວາມສະດວກໃນການບໍລິການລັດ, ບໍລິການພາກທຸລະກິດຢ່າງໂປ່ງໃສ, ຄຸ້ມຄອງລາຍຮັບ-ລາຍຈ່າຍງົບປະມານລວມສູນ ຕາມກົດໝາຍ, ບໍ່ອະນຸ ຍາດໃຫ້ຂະແໜງການ ແລະ ທ້ອງຖິ່ນ ຮັກສາລາຍໄດ້ ຫລື
ສ້າງຄັງໄວ້ນອກງົບປະມານ,
ບໍ່ອະນຸຍາດໃຫ້ຈ່າຍນອກແຜນງົບປະມານທີ່ສະພາແຫ່ງຊາດຮັບຮອງ
ເຄັ່ງຮ້ອນຫັນການຄຸ້ມຄອງການເງິນໄປສູ່ທັນສະໄໝ, ທັງຂົງເຂດລາຍຮັບ ແລະ ຂົງເຂດລາຍຈ່າຍ, ປັບປຸງລະບົບທີ່ມີຢູ່ໃນປັດຈຸບັນ ແລ້ວຜັນຂະຫຍາຍໄປສູ່ຫົວໜ່ວຍຂະແໜງທຸລະກິດຕົວຈິງ.
ລັດຖະບານເຫັນດີໃຫ້ປັບປຸງວິທີການເກັບອາກອນມູນຄ່າເພີ່ມຈາກຫົວໜ່ວຍຕ່າງໆແບບທັນສະໄໝ, ສຳລັບການຈັດຕັ້ງປະຕິບັດແຜນງົບປະມານ 2 ເດືອນສຸດທ້າຍ ສົກປີ
2015-2016 ແລະ ສາມເດືອນຂ້າມຜ່ານນັ້ນ ຕ້ອງໄດ້ຂຸ້ນຂ້ຽວ
ຊຸມທຸກກຳລັງແຮງເກັບລາຍຮັບໃຫ້ໄດ້ໄກ້ຄຽງກັບແຜນດັດແກ້, ຢ່າງໜ້ອຍບໍ່ຫລຸດ 95%,
ສ່ວນດ້ານລາຍຈ່າຍ ໃຫ້ສຸມໃສ່ການເບີກຈ່າຍເງິນເດືອນ, ເງິນບຳນານໃຫ້ທັນກຳນົດເວລາທຸກໆເດືອນ, ນອກຈາກນີ້ ແຕ່ລະຂະແໜງການ ແລະ ທ້ອງຖິ່ນເຄັ່ງການປະຫຍັດ, ເຖິງວ່າມີໃນແຜນແລ້ວກຕາມ, ຖ້າໜ້າວຽກໃດບໍ່ໄດ້ປະຕິບັດຕົວຈິງແມ່ນບໍໃຫ້ສ້າງໃບມາຂໍຖອນເງິນ, ຖ້າເຮັດຖືວ່າຜິດວິໃນການເງິນ, ເຊິ່ງການປະຢັດນີ້ຈະຊ່ວຍໃຫ້ການຂາດດຸນງົບປະມານໜ້ອຍລົງໃນສະພາບທີ່ເກັບລາຍຮັບບໍ່ໄດ້ຕາມແຜນ.
ສຳລັບ ການສ້າງແຜນງົບປະມານສົກປີ 2017 ແມ່ນຕ້ອງແທດເໝາະຕົວຈິງ, ແຜນລາຍຈ່າຍຕ້ອງຈຳກັດທີ່ສຸດ ໃຫ້ເພີ່ມສະເພາະເງິນເດືອນ, ເງິນອຸດໝູນ, ເງິນອຸດໝູນນາຍບ້ານ ແລະ ເບ້ຍລ້ຽງນັກຮຽນຕາມທີ່ລັດຖະ ບານໄດ້ປະກາດແລ້ວ, ພ້ອມນັ້ນ ຊອກວິທີແກ້ໄຂສະພາບຄ່ອງງົບປະມານ ຊຳລະສະສາງໃຫ້ໄວ
ແລະ ທັນກຳນົດເວລາ ເພື່ອໃຫ້ປະສິດທິຜົນຂອງງົບປະມານສູງຂຶ້ນ, ສືບຕໍ່ປະຕິບັດການເກັບລາຍຮັບໃຫ້ເຂັ້ມງວດ, ຄົບຖ້ວນແທ້, ໃຫ້ບັນດາແຂວງເປັນເຈົ້າການຊີ້ນຳການເກັບຖານລາຍຮັບຕົວຈິງຢູ່ແຂວງໃຫ້ຄົບຖ້ວນ, ຫັນໄປສູ່ທັນສະໄໝໃຫ້ໄວກວ່າເກົ່າ. ຖ້າເຫັນພາກສ່ວນໃດ
ເຊື່ອງອຳລາຍຮັບໃຫ້ປະຕິບັດວິໄນ ຕາມລະບຽບກົດໝາຍ.
No comments:
Post a Comment