ໃນຕອນບ່າຍຂອງວັນທີ 19 ເມສານີ້, ຢູ່ໂຮງໝໍແມ່ ແລະ ເດັກເກີດໃໝ່, ນະຄອນຫລວງວຽງຈັນ ໄດ້ມີພິທີປະກາດແຕ່ງຕັ້ງທ່ານ ດຣ. ສີວັນໄຊ ຈັນທະວົງສັກ, ທ່ານ ດຣ. ຕຸ້ຍ ຈັນທະລັງສີ ແລະ ທ່ານ ດຣ. ສຸວັນນະເຮືອງ ສົມບູນ ພະນັກງານວິຊາການຂຶ້ນເປັນຮອງອຳນວຍການໂຮງໝໍດັ່ງກ່າວ, ໂດຍການເຂົ້າຮ່ວມຂອງທ່ານເລຂາຄະນະພັກ, ຮັກສາການລັດຖະມົນຕີກະຊວງສາທາລະນະສຸກ ດຣ ຄຳພອນ ພຸດທະວົງ, ທ່ານຮອງສາດສະດາຈານ ດຣ. ບົວວັນ ແສນສະຖິດ ອຳນວຍການໂຮງໝໍແມ່ ແລະ ເດັກ, ພ້ອມດ້ວຍອຳນວຍການໂຮງໝໍອ້ອມຂ້າງກະຊວງສາທາລະນະສຸກເຂົ້າຮ່ວມຢ່າງພ້ອມພຽງ ເພື່ອປະຕິບັດຕາມຂໍ້ຕົກລົງຂອງລັດຖະມົນຕີກະຊວງສາທາລະນະສຸກ.
ໃນໂອກາດນີ້ ທ່ານຮັກສາການລັດຖະມົນຕີກະຊວງສາທາລະນະສຸກ ໄດ້ໃຫ້ກຽດໂອ້ລົມຊີ້ນຳໃຫ້ຜູ້ທີ່ໄດ້ຮັບການແຕ່ງຕັ້ງເປັນຮອງອຳນວຍການໂຮງໝໍແມ່ ແລະ ເດັກເກີດໃໝ່ຄັ້ງນີ້ ຈົ່ງຕັ້ງໜ້າຝຶກຝົນຫລໍ່ຫລອມຄວາມຮູ້ຄວາມສາມາດເພື່ອເລີ່ມຂະຫຍາຍມູນເຊື້ອຄວາມສາມັກຄີຮັກແພງ ແລະ ຜົນງານອັນດີງາມຂອງໂຮງໝໍດັ່ງກ່າວໃຫ້ສູງເດັ່ນຂຶ້ນໄປເລື້ອຍໆ ພ້ອມທັງຂົນຂວາຍແຫລ່ງທຶນ, ເທັກໂນໂລຊີທີ່ທັນສະໄໝ ເພື່ອມາຮັບໃຊ້ວຽກງານ ແລະ ການບໍລິການສັງຄົມໃຫ້ນັບມື້ດີຂຶ້ນ.
No comments:
Post a Comment