ກະຊວງພະລັງງານ ແລະ ບໍ່ແຮ່ໄດ້ເອົາໃຈໃສ່ສ້າງມາດຕະ
ຖານ ແລະ ລະບຽບການຈຳນວນໜຶ່ງເພື່ອເຮັດໃຫ້ການຄຸ້ມຄອງ ແລະ ກວດກາການຂຸດຄົ້ນບໍ່ແຮ່ມີປະສິດທິຜົນເປັນຕົ້ນແມ່ນມາດຕະ
ຖານການສ້າງບົດວິພາກເສດຖະ ກິດ-ເຕັກນິກ, ລະ ບຽບການຄຸ້ມຄອງເຂດສຳປະທານ, ມາດຕະການ
ແລະ ລະບຽບການຂອງໂຮງງານ, ລະບຽບການຊື້-ຂາຍແຮ່ທາດ, ມາດຕະ ການຕີລາຄາການລົງທຶນດ້ານບໍ່ແຮ່ທີ່ດີເປັນບ່ອນອີງໃນການຈັດປະເພດຂອງຜູ້ລົງທຶນຂຸດຄົ້ນ.ນອກນັ້ນ
ຍັງໄດ້ເອົາໃຈໃສ່ເຜີຍແຜ່ກົດໝາຍ, ລະບຽບການ ແລະ ສັນຍາຂຸດ ຄົ້ນຢູ່ບັນດາແຂວງພາກເໜືອ,
ພາກກາງ ແລະ ດຳເນີນການກວດກາການຂຸດຄົ້ນຂອງບໍລິສັດໄປພ້ອມໆກັບການສ້າງນິຕິກຳ
ແລະ ມາດຕະການຕ່າງໆ.
ທ່ານ ສຸລິວົງ ດາລາວົງ ລັດ ຖະມົນຕີວ່າການກະຊວງພະລັງ
ງານ ແລະ ບໍ່ແຮ່ໄດ້ແຈ້ງໃຫ້ຮູ້ ເມື່ອບໍ່ດົນມານີ້ວ່າ: ເພື່ອເຮັດໃຫ້ ການຄຸ້ມຄອງແລະກວດກາການຂຸດຄົ້ນບໍ່ແຮ່ມີປະສິດທິພາບແລະໄປຕາມລະບຽບການຢ່າງເຂັ້ມງວດນັ້ນ,
ກະຊວງພະລັງ ງານ ແລະບໍ່ແຮ່ໄດ້ດຳເນີນກວດກາການຂຸດຄົ້ນບໍ່ແຮ່ຢູ່ບາງແຂວງເຊັ່ນ:
ແຂວງຜົ້ງສາລີ, ຫົວພັນ, ຊຽງຂວາງ ແລະ ຄຳມ່ວນຜ່ານການກວດກາເຫັນວ່າບາງບໍລິສັດທັງພາຍໃນ
ແລະ ຕ່າງປະເທດຍັງບໍ່ທັນເຂັ້ມງວດຕໍ່ສັນຍາ, ກົດໝາຍ, ລະບຽບການ ແລະ ຂັ້ນ ຕອນການດຳເນີນທຸລະກິດດ້ານບໍ່ແຮ່,
ມີການແກ່ຍາວໂຄງການ, ການປະຕິບັດພັນທະໃນສັນຍາຊັກຊ້າ, ຜູ້ລົງທຶນຈຳ ນວນໜຶ່ງຍັງບໍ່ໄດ້ເອົາໃສ່ສ້າງ
ແລະ ນຳໃຊ້ແຮງງານທ້ອງຖິ່ນ, ການພັດທະນາຊຸມຊົນຍັງບໍ່ທັນຕອບສະໜອງກັບຄວາມຮຽກ
ຮ້ອງຕ້ອງ ການໃນການຫັນເອົາເຂດພັດທະນາບໍ່ແຮ່ໃຫ້ກາຍເປັນຕົວເມືອງນ້ອຍແຕ່ລະກ້າວ
ແລະ ສະໜອງຕໍ່ແຜນການຫລຸດຜ່ອນ
ຄວາມທຸກຍາກຂອງລັດຖະບານວາງອອກເທົ່າທີ່ຄວນ,
ຄວາມເອົາໃຈໃສ່ຄຸ້ມຄອງອຸດສາຫະກຳບໍ່ແຮ່ລະຫວ່າງຂະແໜງການທີ່ກ່ຽວຂ້ອງຂອງສູນກາງ
ແລະ ທ້ອງຖິ່ນຍັງບໍ່ທັນລົງໂຕ, ບໍ່ທັນ ສອດຄ່ອງຕາມ 4 ບຸກທະລຸທີ່ພັກວາງອອກ,
ການນຳໃຊ້ນິຕິກຳດ້ານພາສີ-ອາກອນຕໍ່ກັບທຸລະກິດກ່ຽວກັບແຮ່ທາດຍັງບໍ່ທັນຈະແຈ້ງ,
ປະຕິບັດບໍ່ລວມສູນ ແລະ ເປັນເອກະພາບໃນຂອບເຂດທົ່ວປະເທດ ເຮັດໃຫ້ເກີດມີຄວາມສັບສົນໃນການຄຸ້ມຄອງ
ແລະ ຕິດຕາມ, ສິ່ງທີ່ອຳນວຍໃຫ້ແກ່ການຜະລິດຕໍ່ເນື່ອງຈາກຜະລິດຕະພັນແຮ່ທາດຍັງບໍ່ທັນຜັນຂະຫຍາຍຢ່າງແຂງແຮງ,
ການຄົມມະນາຄົມ, ການສະໜອງກະແສໄຟຟ້າຍັງບໍ່ທັນພຽງພໍຕໍ່ຄວາມຮຽກຮ້ອງຕ້ອງການຂອງອຸດສາຫະກຳບໍ່ແຮ່ທີ່ກຳລັງຂະຫຍາຍ
ຕົວຢ່າງໄວວາ, ຜູ້ດຳເນີນທຸລະກິດດ້ານບໍ່ແຮ່ຍັງບໍ່ທັນມີມາດຕະການພຽງພໍ,
ການຄຸ້ມຄອງສິ່ງແວດລ້ອມບາງໂຄງການຍັງບໍ່ທັນມີປະສິດທິພາບເຮັດໃຫ້ມີຜົນສະທ້ອນຕໍ່ທຳມະຊາດ,
ຕໍ່ລະບົບວິເວດວິທະຍາ ແລະ ຕໍ່ຊີວິດການເປັນຢູ່ຂອງປະຊາຊົນ, ການຊົດເຊີຍຕໍ່ຜົນເສຍຫາຍຂອງປະຊາ
ຊົນຊັກຊ້າ, ເກີດການວິພາກວິຈານຈາກສັງຄົມ. ລັດຖະມົນຕີວ່າການກະຊວງພະລັງງານ
ແລະ ບໍ່ແຮ່ຍັງໄດ້ກ່າວຕື່ມວ່າ:ໃນໄລຍະຜ່ານມາ, ລັດ ຖະບານໄດ້ອະນຸຍາດໃຫ້ຜູ້ລົງທຶນພາຍໃນ
ແລະ ຕ່າງປະເທດສຳປະທານເນື້ອທີ່ເພື່ອຊອກຄົ້ນ, ສຳຫລວດ ແລະ ຂຸດຄົ້ນແຮ່ທາດຕ່າງໆມີ
226 ບໍລິສັດ,ເນື້ອທີ່ສຳປະທານ 58.569,54 ກິໂລຕາແມັດ ເທົ່າກັບ 24,73% ຂອງເນື້ອທີ່ທົ່ວປະເທດ,
ໃນນັ້ນ 124 ບໍລິສັດຢູ່ໃນຂັ້ນຕອນຊອກຄົ້ນ ແລະ ສຳຫລວດ, 65 ບໍລິສັດໄດ້ເຊັນສັນຍາຂຸດຄົ້ນ, 25 ບໍລິສັດຢູ່ໃນໄລຍະກໍ່ ສ້າງ, 40 ບໍລິສັດພວມດຳເນີນການຂຸດຄົ້ນ ແລະ ປຸງແຕ່ງທາດ.
No comments:
Post a Comment