ເຈົ້າໜ້າທີ່ຕຳຫຼວດ ນະຄອນຫຼວງວຽງ ຈັນ ໃຫ້ຮູ້ວ່າ:ໃນວັນທີ
27 ພຶດສະພານີ້ ໄດ້ເກີດມີຄົນຮ້າຍທຸບແວ່ນລົດຂອງປະຊາຊົນທ່ານ ໜຶ່ງທີ່ຈອດໄວ້ຢູ່ໜ້າເຮືອນຂອງຕົນ
ທີ່ບ້ານ ທົ່ງພານທອງ ເມືອງ ສີສັດຕະນາກ ນະຄອນ ຫຼວງວຽງຈັນ ແລ້ວຊີງເອົາຊັບສິນຢູ່ພາຍໃນລົດເປັນເງິນຫຼາຍສິບລ້ານກີບ
ແລ້ວຫຼົບໜີໄປ ເຊິ່ງຈາກການຕີລາຄາຂອງເຈົ້າໜ້າທີ່ ຄາດວ່າກຸ່ມຄົນຮ້າຍອາດຈະເປັນກຸ່ມຄົນທີ່ຕິດຢາເສບຕິດ
ແລະ ໄດ້ຕິດຕາມການເຄື່ອນໄຫວຂອງລົດດັ່ງກ່າວມາແລ້ວ ເຊິ່ງປັດຈຸບັນກຳລັງເລັ່ງສືບ ສວນ-ສອບສວນ
ເພື່ອນຳຈັບຄົນຮ້າຍມາດຳເນີນຄະດີໃຫ້ໄດ້ໂດຍໄວ ແລະ ໃນມື້ດຽວກັນຍັງມີອີກເຫດການຄົນຮ້າຍທຸບແວ່ນລົດຢູ່ບ້ານ
ນາຄຳ ເມືອງ ສີໂຄດຕະບອງ ນະຄອນຫຼວງວຽງຈັນ ເຊິ່ງທາງເຈົ້າໜ້າທີ່ກໍພວມເລັ່ງຕິດຕາມຈັບຕົວຄົນຮ້າຍມາດຳເນີນຄະດີ.
ເຈົ້າໜ້າທີ່ ປກສ ນະຄອນ ຫຼວງວຽງຈັນ ກ່າວວ່າ:
ໃນອາ ທິດຜ່ານມາ ຢູ່ ນະຄອນຫຼວງ ວຽງຈັນ ມີປະກົດການຫຍໍ້ທໍ້ເກີດຂື້ນ 63 ເລື່ອງ
ຊຶ່ງສ່ວນໃຫຍ່ແມ່ນສະພາບປຸ້ນຈີ້-ຊີງຊັບ ແລະ ລັກຊັບພົນລະເມືອງ ເກີດຂື້ນ
20 ກ່ວາເລື່ອງ ແລະ ເມື່ອບໍ່ດົນມາ ນີ້ ເຈົ້າໜ້າທີ່ ປກສ ເມືອງ ຫາດຊາຍຟອງ ໄດ້ລົງແກ້ໄຂເປົ້າໝາຍລັກຊັບພົນລະເມືອງ
ໂດຍກັກຕົວຜູ້ຕ້ອງຫາໄດ້ 3 ຄົນຄື: ທ້າວ ເທວະລິດ ອາຍຸ 28 ປີ ຢູ່ບ້ານ ໂຄກຊາຍ,
ທ້າວ ພຸດທະສອນ ອາຍຸ 30 ປີ ຢູ່ ບ້ານ ທ່າມ່ວງ ແລະ ທ້າວ ສອນເພັດ ອາຍຸ 30 ປີ ຢູ່ ບ້ານ
ດອນດູ່ ເມືອງ ຫາດຊາຍຟອງ ນະຄອນ ຫຼວງວຽງຈັນ, ຊຶ່ງທັງ 3 ໄດ້ຮ່ວມກັນ ລັກຊັບພົນລະເມືອງ
ແລະ ໃນວັນທີ 24 ພຶດສະພາ ນີ້ ປກສ ເມືອງ ຈັນທະບູລີ ສາມາດຈັບຕົວແກ້ງ ລັກລົດຈັກ
ໄດ້ 3 ຄົນ ພາຍ ຫຼັງຮ່ວມກັນລັກລົດຂອງປະຊາ ຊົນມາແລ້ວຫຼາຍສິບຄັນ ມາດຳເນີນຄະດີ
ຕາມລະບຽບກົດໝາຍ.
No comments:
Post a Comment